Баян-Өлгий, Сүхбаатар аймгийн газар, усны зарим нэрийг өөрчлөх, казах, тува хэлээр нэрлэсэн газар, усны нэрийг монгол хэлээр болгох асуудлыг УИХ-ын өнөөдрийн чуулганаар хэлэлцэж байна.
Монгол-Алтайн нурууны 5 өндөр оргилыг Найрамдал 1, 2 оргил гээд нэрлэчихсэн байжээ. Үүнийг Бүргэд уул, Наран оргил гэж нэрлэх ёстой. Түргэний нурууны ойролцоох газрыг Сыргал гэж нутгийнхан нэрлэсэн байдаг. Уг нь энэ газар Хотонгийн тал гэсэн үг аж. Тиймээс буцаан, монгол хэлээр нь нэрлэж байна. Координат, гэрэл зурагтай нь Мэдээллийн санд оруулж байгаа. Сыргалын тал гэсэн тува үгийг Хотонгийн тал болгож өөрчилжээ.