Монгол Улсад генерал цол олгож эхэлсний 82 жилийн ой, Монгол генералуудын өдрийг угтаж, Онцгой байдлын ерөнхий газрын Ахмадын хорооноос дэслэгч генерал Г.Дамдинсүрэнгийн нэрэмжит ахмадын софтволейболын тэмцээнийг “Аврагч” биеийн тамир-техник спорт хороонд зохион байгууллаа. Тэмцээнд нийслэлийн хүрээний анги, байгууллагуудын дэргэдэх Ахмадын хороо, зөвлөлийн нийт 16 багийн 100 гаруй тамирчин оролцож, 3 насны ангиллаар аваргуудаа тодруулсан юм.

55-59 насны “А” ангиллын төрөлд тэргүүн байрт Улсын нөөцийн газрын ахмадын баг, дэд байрт ОБЕГ-ын харьяа Үндэсний аврах бригадын ахмадын баг, гутгаар байрт СХД-ийн Онцгой байдлын хэлтсийн ахмадын баг шалгарлаа. 60-64 насны “B” ангиллын төрөлд тэргүүн байрыг Улсын нөөцийн газрын ахмадын баг, дэд байрыг ОБЕГ-ын Ахмадын баг, гутгаар байрыг ОБЕГ-ын харьяа Үндэсний аврах бригадын Ахмадын баг тус тус эзэллээ.

Харин 65 наснаас дээш буюу “С” ангиллын төрөлд тэргүүн байрт ОБЕГ-ын харьяа Үндэсний аврах бригадын ахмадын баг, дэд байрт ОБЕГ-ын Ахмадын баг, гутгаар байрт Улсын нөөцийн газрын Ахмадын баг оров.