Цэцэрлэгийн хүүхдийн эцэг эх, асран хамгаалагчаас 2024-2025 оны хичээлийн жилээс эхлүүлэн хүүхдийн хоолны мөнгө 1000 төгрөгийг авч эхэлсэн. Ингэснээр цэцэрлэгийн хүүхдийн ирцийн мэдээлэл бодитой болж, хоолны мөнгийг бодит гүйцэтгэлд тулгуурлан өгөх боломж бүрдсэнээр 30,0 тэрбум төгрөгийн хэмнэлт үүсжээ. Харин Боловсролын сайд Л.Энх-Амгалан ерөнхий боловсролын сургуулийн Үдийн хоолны зардлыг өсгөхийн тулд эцэг эх, асран хамгаалагч нараас нэмэлт зардал авах тухай асуудлыг хөндөөгүй, цаашид ч хөндөхгүй гэдгийг албан ёсоор мэдэгджээ.