<h5 class="wp-block-heading"></h5> <blockquote class="wp-block-quote is-layout-flow wp-block-quote-is-layout-flow"> <p><em>Монгол Улсын Ерөнхийлөгч Ухнаагийн Хүрэлсүхийн санаачилга, дэмжлэгээр барьж буй МУИС-ийн Хууль зүйн сургуулийн барилгыг ирэх оны нэгдүгээр сард бүрэн ашиглалтад хүлээн авна.</em></p> </blockquote> <p>Ерөнхийлөгч У.Хүрэлсүх 2022 онд холбогдох яамд, хотын захиргаа, сургуулиудын төлөөллийг хүлээн авч уулзахдаа Хууль зүйн сургуулийн барилгыг барих санаачилга гарган, бүтээн байгуулалтыг нь эхлүүлж байсан юм.</p> <figure class="wp-block-image size-full"><img loading="lazy" decoding="async" width="1024" height="683" src="https://admin.time.mn/wp-content/uploads/2026/04/SURGUULIRRR.jpg" alt="" class="wp-image-158292" srcset="https://admin.time.mn/wp-content/uploads/2026/04/SURGUULIRRR.jpg 1024w, https://admin.time.mn/wp-content/uploads/2026/04/SURGUULIRRR-300x200.jpg 300w, https://admin.time.mn/wp-content/uploads/2026/04/SURGUULIRRR-768x512.jpg 768w" sizes="auto, (max-width: 1024px) 100vw, 1024px" /></figure> <p>2024 онд эхэлсэн барилгын I үе шат буюу Б блокийн санхүүжилтийг МУИС гаргаж, А блокийг төсвийн хөрөнгө оруулалтаар барьж байна.</p> <p>Б блокийн ажил ирэх сард дуусах бол А блок 70 хувьтай байна. Цогцолбор барилгыг ирэх оны нэгдүгээр сард буюу МУИС үүсэн байгуулагдсаны 85 жилийн ойгоор ашиглалтад оруулна.</p> <figure class="wp-block-image size-full"><img loading="lazy" decoding="async" width="1024" height="683" src="https://admin.time.mn/wp-content/uploads/2026/04/SUT2.jpg" alt="" class="wp-image-158293" srcset="https://admin.time.mn/wp-content/uploads/2026/04/SUT2.jpg 1024w, https://admin.time.mn/wp-content/uploads/2026/04/SUT2-300x200.jpg 300w, https://admin.time.mn/wp-content/uploads/2026/04/SUT2-768x512.jpg 768w" sizes="auto, (max-width: 1024px) 100vw, 1024px" /></figure> <p>МУИС-ийн сүүлийн 60 жилийн түүхэнд байгаагүй, оюуны томоохон хөрөнгө оруулалт болох бүтээн байгуулалтыг хугацаанд нь, чанарын өндөр түвшинд гүйцэтгэж дуусгахыг Ерөнхийлөгч У.Хүрэлсүх холбогдох яамд, сургууль, аж ахуйн нэгжүүдийн удирдлагуудад захилаа.</p> <p>6 давхар энэ барилгад нэг зэрэг 2,000 орчим хүн сургалт, судалгааны үйл ажиллагаа явуулах боломжтой.</p> <p>Тухайлбал,150 орчим хүний суудалтай нэг, 120 орчим хүний суудалтай хоёр, 70 орчим хүний багтаамжтай лекцийн гурав, семинарын 38 танхимтай. Профессор багш нарын судалгааны өрөө, номын сан, автомашины зогсоолтой.</p> <p>Мөн Ерөнхийлөгчийн зарлигаар байгуулсан МУИС-ийн Үндсэн хуулийн эрх зүйн хүрээлэнг энд байрлуулахаар төлөвлөжээ. </p> <p>Б блокийн барилгын зургийг “Нарлаг хөхий” ХХК гаргаж, гүйцэтгэгчээр “Евро-Ази зам”, А блокийн барилгын зургийг “Бум-Асар” ХХК түншлэл, гүйцэтгэгчээр “Хаппи бьюлдинг” ХХК ажиллаж байна.</p> <p></p>