“Эрдэнэс Тавантолгой” ХК 2025 онд 1.6 их наяд төгрөгийн татварыг улс болон орон нутгийн төсөвт төвлөрүүлж, цэвэр ашиг 1 их наяд 124 тэрбум төгрөг байна. Төлөөлөн Удирдах Зөвлөлийн шийдвэрээр уг ашгаас ногдол ашиг хуваарилахаар болсон. Тодруулбал нэгж хувьцаанд 65.55 төгрөг хуваарилах бөгөөд 1,072 хувьцаатай иргэнд татварын өмнөх дүнгээр 70,270 төгрөг олгох юм. Монгол Улсын 3.5 сая хувьцаа эзэмшигчдэд нийт 208.5 тэрбум төгрөгийн ногдол ашиг ногдохоор байна. Үүнийг өнөөдөр иргэдийн дансанд шилжүүлж дуусгах аж.