Хуримтлалын санд уул уурхайн олборлолт, ашигт малтмалын боловсруулах салбарын төрийн өмчит болон төрийн өмчийн оролцоотой хуулийн этгээдийн төрийн эзэмшлийн хувьцааны ногдол ашгийн орлогоос 2025 онд 507.1 тэрбум төгрөг, мөн сангийн 2025 оны хөрөнгө оруулалтын хүүгийн орлогоос 68.5 тэрбум төгрөгийг тус тус төвлөрүүлсэн.

Дээрх орлогыг Монгол Улсын иргэн бүрийн хуримтлалын нэрийн дансанд тэгш хуваарилан бүртгэснээр нэрийн дансны хуримтлал 306.1 мянган төгрөгт хүрч нэмэгдсэн талаар Гэр бүл, хөдөлмөр, нийгмийн хамгааллын яамнаас мэдээллээ.   2026 оны сүүлээр иргэн бүрийн нэрийн дансан дахь үлдэгдэл 500 мянган төгрөг болно. Хуримтлалын санд төрийн эзэмшлийн хувьцааны ногдол ашгийн орлогоос 2025 онд 507.1 тэрбум, мөн оны хөрөнгө оруулалтын хүүгийн орлогоос 68.5 тэрбумыг төвлөрүүлснийг иргэн бүрийн хуримтлалын нэрийн дансанд тэгш хуваарилан бүртгэсэн байна.