Дорноговь аймгийн Өргөн суманд орших жоншны уурхайн нүхэнд 6 дугаар ангийн хүүхэд шороонд дарагдан, амиа алдсан осол 5 дугаар сарын 24-нд гарчээ. Энэ талаар цагдаагийн байгууллагаас тодруулахад тийм мэдээлэл ирсэн байлаа. “Уг дуудлагын дагуу шалгалтын ажиллагаа явуулахад Дорноговь аймгийн Өргөн сум II багийн нутаг дэвсгэрт 13 настай, эрэгтэй хүүхэд шороонд дарагдаж, нас барсан хэргийг тус аймгийн Цагдаагийн газар шалгаж байна” гэсэн хариу өглөө.