Зурхай
Цаг агаар
Валютын ханш
Радио
userХ. Болормаа

Цогтцэций сумын засаг дарга асны хэргийг шүүх шийдвэрлэжээ

Цогтцэций сумын засаг дарга асны хэргийг шүүх шийдвэрлэжээ

Өмнөговь аймгийн Цогтцэций сумын засаг дарга асан О.Б-д холбогдох албан тушаалын хэргийг шүүх шийдвэрлэжээ. Б.Б, С.С нарыг бүлэглэн эрх мэдэл, албан тушаалаа урвуулан ашиглаж, их хэмжээний хохирол учруулсан гэм буруутайд тооцож, Б.Б-д нийтийн албанд ажиллах эрхийг нь 3 жил хасаж, 15 сая төгрөгөөр торгосон бол С.С-д нийтийн албанд ажиллах эрхийг нь 1 жилээр хасаж, 7 сая төгрөгөөр торгов.

Иргэний хариуцагч “И….” ХХК-иас 120 сая, “У…” ХХК-иас 120 сая “Л….” ХХК-иас 450 сая төгрөг гаргуулж, улсын орлого болгохоор шийдвэрлэсэн байна.

Цогтцэций сумын засаг дарга О.Б албан тушаалаа урвуулан ашиглаж, албан хэрэг, архив хариуцсан ажилтан С.С-р түүний ажил үүрэгт хамааралгүй ажлыг хийлгэжээ. С.С бусдад хууль бусаар газар эзэмшүүлэх захирамжийн төсөл боловсруулж өгсөн аж. О.Б уг төслийн дагуу 2020 оны 11 дүгээр сарын 20-ны өдөр А/321 дугаартай захирамж гарган, Цогтцэций сумын Иргэдийн төлөөлөгчдийн хурлын тогтоолд тусгагдаагүй, байгаль орчны нөхөн сэргээлтийн дүгнэлт гараагүй газруудад буюу Цогтцэций сумын нутаг дэвсгэрт шатахуун түгээх станцын зориулалтаар “И…” ХХК-д 2,000 ам м газар, “У…” ХХК-д 2,000 ам м газар, үйлдвэр үйлчилгээний зориулалтаар “Л…” ХХК-д 7,500 ам м газар эзэмшүүлжээ.

Үүгээрээ тэр бусдад давуу байдал олгож,  улсын төсөвт их хэмжээний буюу 690 сая төгрөгийн хохирол учруулсан гэж буруудсан байна. Уг хэрэгт прокурор Эрүүгийн хуулийн 22.1 дүгээр зүйлийн 2 дахь хэсэгт (эрх мэдэл, албан тушаалтын байдлаа урвуулан ашиглах) -зааснаар яллах дүгнэлт үйлдэж, шүүхэд шилжүүлсэн юм.

0/1000