<p>УИХ-ын хаврын ээлжит чуулганы өнөөдрийн хуралдаанаар /2026.6.26/ Засгийн газраас 5 дугаар сарын 6-ны өдөр өргөн барьсан Татварын багц хуулийн төслийг эцэслэн баталлаа. </p> <p>Үүнд: </p> <ul class="wp-block-list"> <li>Татварын ерөнхий хуульд нэмэлт өөрчлөлт оруулах тухай хуулийн төсөл,</li> <li>Аж ахуйн нэгжийн орлогын албан татварын тухай хууль&nbsp;нэмэлт өөрчлөлт оруулах тухай хуулийн төсөл,</li> <li>Хувь хүний орлогын албан татварын тухай хууль&nbsp;нэмэлт өөрчлөлт оруулах тухай хуулийн төсөл,</li> <li>Нэмэгдсэн өртгийн албан татварын тухай хуульд&nbsp;нэмэлт өөрчлөлт оруулах тухай хуулийн төслийг хуралдаанд оролцсон гишүүдийн 87.1 хувийн саналаар эцэслэн батлав.</li> </ul> <blockquote class="wp-block-quote is-layout-flow wp-block-quote-is-layout-flow"> <p>Татварын багц хуулийн нэмэлт, өөрчлөлт 2027 оны нэгдүгээр сарын 1-нээс хэрэгжиж эхэлнэ.</p> </blockquote> <p>Уг хуулийн төсөл эцэслэн батлагдсаны дараа ажлын хэсгийн ахлагч, УИХ-ын гишүүн Х.Ганхуяг Татварын багц хуулийн онцлох заалтын талаар мэдээлэл өглөө. Татварын багц хууль батлагдсанаар эдийн засаг 0.7 хувийн функцээр өсөх магадлалтай гэж тооцож байгаа юм. </p> <p><strong>Онцлох заалтуудаас дурдвал: </strong></p> <ul class="wp-block-list"> <li>НӨАТ төлөгчийн босго 50 саяас 400 сая болов</li> <li>Цалингийн шатлалыг нэмснээр жилийн 36 сая хүртэлр орлоготой иргэний 792000 төгрөг хүртэлх орлогод ногдуулах ХХОАТ-ыг 100% чөлөөлнө</li> <li>2.5 тэрбум хүртэлх борлуулалтын орлоготой 180 мянга орчим ААН-ийн татварын ачааллыг 1%-д хүргэнэ</li> <li>6-10 тэрбумын ашигтай ААН 15 хувиар татвар төлөх дундын шатлал нэмснээр 600 гаруй ААН-ийн татварын ачаалал буурна</li> <li>Өртэй татвар төлөгчийн дансыг бүрэн хаахгүй. Орж ирэх мөнгөн хөрөнгийн 30%-ийг дансанд үлдээнэ.</li> </ul> <ol class="wp-block-list"> <li>ААНОАТ, ХХОАТ-ын тайлан тушаах хугацааг сунгаж, оновчтой болгоно</li> <li>Алдангийн дээд хэмжээ 50 хувиас хэтрэхгүй</li> <li>Татварын тайлан задруулах хугацааг 2 жил хүртэл сунгана</li> <li>НӨАТ төлөх хугацааг 2 сар хүртэл хугацаагаар сунгана</li> <li>Иргэний өөрийнх нь өмч, үл хөдлөх хөрөнгө борлуулсны орлогоос авдаг 2 хувийн татварыг цуцалж, ойлгомжгүй татвараас чөлөөлнө.</li> </ol> <p></p>