Хөвсгөл аймгийн Баянзүрх сумын нэгдүгээр багийн Цагаан булангийн Ар бэрхийн ам хэмээх газарт 2026 оны 7-р сарын 8-ны өдрийн 10:00 цагийн үед “Дэлгэрмөрөн голд хүн живсэн” гэсэн дуудлага тус аймгийн ОБГ-т иржээ.

Дуудлагын дагуу Эрэн хайх, аврах салбарын алба хаагчдыг очиход 44 настай эрэгтэй Б “Дэлгэрмөрөн”голд живж, нас барсан байдалтай олджээ. Ийнхүү цогцсыг 15:40 цагт гаргаж, сумын Хэсгийн төлөөлөгчид шилжүүлэн өгсөн гэж ОБЕГ-аас мэдээллээ.