<p>Прокурорын байгууллагаас 31,8 тэрбум төгрөгийн үнийн дүнтэй 618 иргэний хэрэг шүүхэд хянан шийдвэрлэх ажиллагаанд оролцсоноос шүүхээр эцэслэн шийдвэрлэсэн маргаанд 2,6 тэрбум төгрөгийг нөхөн төлүүлэхээр шийдвэрлүүлжээ.</p> <p>Прокурор төр, нийтийн ашиг сонирхлыг хамгаалж, дараах төрлийн маргаан бүхий иргэний хэрэг хянан шийдвэрлэх ажиллагаанд оролцсон байна. Маргааны төрлөөр нь авч үзвэл:</p> <ul class="wp-block-list"> <li>Гэрээний бусад үүргийн гүйцэтгэл хангуулах &#8211; 24 тэрбум, 858 сая,</li> <li>Засгийн газрын тусгай санд учирсан хохирол &#8211; 1 тэрбум, 598 сая төгрөг,</li> <li>Нийгмийн даатгал, татварын өр, төлбөр  &#8211; 1,5 тэрбум төгрөг,</li> <li>Гэмт хэрэг, зөрчлийн улмаас учирсан хохирол &#8211; 288 сая төгрөг,  </li> <li>Төрийн албан хаагчийн буруутай шийдвэр үйл ажиллагааны улмаас төрд учирсан хохирол &#8211; 263 сая төгрөг,</li> <li>Эрүүл мэндийн даатгалын санд учирсан хохирол &#8211; 245 сая төгрөг гаргуулах,</li> <li>Хүүхдийн эрх болон эрүүл аюулгүй орчинд амьдрах нийтийн ашиг сонирхлыг хамгаалах чиглэлээр 10 нэхэмжлэл гаргаж, иргэний хэрэг хянан шийдвэрлэх ажиллагаанд оролцсон байна. </li> </ul> <figure class="wp-block-image"><img decoding="async" src="https://prosecutor.mn/uploads/users/1286/images/2026_1%20%D1%83%D0%BB%D0%B8%D1%80%D0%B0%D0%BB%20%D0%A2%D3%A9%D1%80%20%D0%BD%D0%B8%D0%B9%D1%82%20%D0%BF%D0%BE%D1%81%D1%82%D0%B5%D1%80%201.jpg" alt=""/></figure> <blockquote class="wp-block-quote is-layout-flow wp-block-quote-is-layout-flow"> <p>Прокурор 1,577 эрүүгийн хэрэгт төр, нийтийн ашиг сонирхолд учирсан 5 тэрбум төгрөгийн хохирлыг гэм буруутай этгээдээр нөхөн төлүүлэхээр шийдвэрлүүлсэн.</p> </blockquote> <p>Прокурорын байгууллагаас прокурор оролцсон иргэний хэргийн шүүхийн шийдвэрийн биелэлтийг 2019-2025 оны байдлаар улсын хэмжээнд нэгтгэн судалсан.&nbsp;Судалгаагаар 6336 шийдвэрийн 1 их наяд 63 тэрбум төгрөгийн хохирол, төлбөрийг нөхөн төлүүлэхээр шийдвэрлүүлснээс 503.8 тэрбум төгрөг буюу 47 хувь нь төлөгдөж, 559.6 тэрбум төгрөг буюу 52.6 хувь нь биелэгдээгүй байна.</p> <p>Иймд прокурорын байгууллагаас шүүхийн шийдвэрийг биелүүлэх, төр, нийтэд учирсан хохирол, төлбөрийг бодитой нөхөн төлүүлэх асуудлыг улсын хэмжээнд эрчимжүүлэх ажлыг эхлүүлээд байна.</p>