НӨАТ буюу нэмэгдсэн өртгийн албан татварт 10% төлж иргэд 2%-ийг буцаан олголтоор авч, үлдсэн 8% нь сугалаа болон улсын төсөвт зарцуулдаг.

Тэгвэл иргэн Б.Болорчулуун НӨАТ-ын буцаан олголтыг 8% болгох өргөдөл санаачилжээ. Одоогоор тухайн өргөдлийг 3,486 иргэн дэмжиж гарын үсэг зурсан байна. Өргөдөл санаачилсан иргэн “Өргөн хэрэглээний барааны үнийн өсөлт иргэдэд маш их дарамт болж байна. Тиймээс НӨАТ-ын буцаан олголтыг 8% болгох хэрэгтэй” гэжээ.

Өргөдөлд наймдугаар сарын 23-ны 13:27 цаг хүртэл санал авах бөгөөд 100,000 иргэн дэмжиж гарын үсэг зурвал УИХ-аар хэлэлцэх журамтай.