ОХУ Украины өмнөд хэсгийн Запорожжя хотод наймдугаар сарын 2-нд агаарын цохилт өгсний улмаас нэг хүн амиа алдаж, 31 хүн шархадсан гэж тус мужийн захирагч Иван Федоров мэдэгдлээ.
Reuters агентлагийн дүрс бичлэгт аврагчид орон сууцны ойролцоо шархадсан хүмүүст анхны тусламж үзүүлж, мөн нурсан байшингийн нуранги доороос нэг эмэгтэйг эсэн мэнд гаргаж буй нь дүрслэгджээ.
Орон нутгийн эрх баригчдын мэдээлснээр, ойролцоогоор нэг цаг хагасын дотор Запорожжя хот руу найман удирдлагатай бөмбөг хаясан байна. Үүний улмаас орон сууц болон бусад барилгууд ихээхэн эвдэрч, 71 настай эмэгтэй амиа алджээ.
Сүүлийн саруудад Запорожжя хот Оросын агаарын цохилтын гол байнуудын нэг болоод байгаа бөгөөд энгийн иргэд болон дэд бүтцэд учрах хохирол нэмэгдсээр байна.
Эх сурвалж: Reuters