Казахстан Улсын Астана хотноо зохион байгуулагдаж буй Олон улсын хиймэл оюуны гуравдугаар олимпиад (IOAI 2026)-ын нээлтийн ажиллагаа амжилттай болж өнгөрлөө.
Олимпиадын цар хүрээ:
- 106 улсын
- 472 шилдэг сурагч оролцож байна.
Ерөнхийлөгчийн нээлтийн үг ба технологийн ирээдүй:
Казахстан Улсын Ерөнхийлөгч Касым-Жомарт Токаев олимпиадын нээлтийн ажиллагаанд оролцож, 2026 оныг “Хиймэл оюун ухаан ба дижитал хөгжлийн жил” болгон зарласнаа онцлон, дараах зорилтуудыг танилцууллаа.
- “Дижитал Казахстан – 2029” үндэсний стратегийг хэрэгжүүлж, Хиймэл оюуны тухай хууль-ийг хэрэгжүүлэх.
- Ухаалаг хот (Smart City) төслийн хүрээнд томоохон хотуудад хиймэл оюунд суурилсан технологийг эрчимтэй нэвтрүүлэх.
- Алатау хот-ыг Төв Азийн дижитал технологи, инновацын төв болгон хөгжүүлж, дэлхийн хөрөнгө оруулагчдыг татах.
Нээлтийн ажиллагаанд IOAI-ийн Олон улсын удирдах зөвлөлийн дарга Елена Маринова, “Казахтелеком” ХК-ийн Төлөөлөн удирдах зөвлөлийн дарга Б.Мусин тэргүүтэй хүндэт зочид оролцлоо.
Тэд энэхүү олимпиадыг зөвхөн академик уралдаан бус, ирээдүйн технологийн салбарын манлайлагчид, гарааны бизнес (стартап)-ийг үүсгэн байгуулагчдыг бэлтгэх чухал талбар болохыг онцлон тэмдэглэв.
