Нийслэлийн Хан-Уул дүүргийн 11 дүгээр хорооны Задгайд өсвөр насны 2 хүүхэд Туул голд живэх гэж байхад нь усчин-аврагчид аварлаа. Энэ тухай дуудлагыг 8-р сарын 17-ны өдрийн 14:51 цагт аврагчид хүлээн авсан байна.
Нийслэлийн Аврах ангийн завьт эргүүлд үүрэг гүйцэтгэж байсан/ албан хаагчдыг очиход иргэн Е /18 настай, эрэгтэй/, иргэн Э /15 настай, эрэгтэй/ нар Туул голын усанд сэлж байхдаа хөл алдаж, 15-20 метр урсаж байсан аж. Тэднийг голоос эсэн мэнд гаргажээ.