АМГТГ октан хэмжигч зөөврийн багажаар “Шунхлай”, “Петровис” компанийн ШТС-иудаас санамсаргүй байдлаар сонгож, шатахуун түгээдэг хошуунаас нь дээж авч шинжилжээ. Шинжилгээгээр АИ92 авто бензиний октаны хэмжээ 91-91.1 , АИ95 авто бензиний октаны хэмжээ 93.6-96.1 байж, стандарт шаардлагыг хангаж байна. Зөөврийн октан хэмжигч багаж нь +- хоёр зөрүүтэй байх нь хэвийн үзүүлэлт аж.

Түүнчлэн октаны хэмжээг тодорхойлохдоо шатахуун хадгалж буй сав, хадгалсан хугацаа, гадна орчны нөлөө зэргээс шалтгаалан, хэмжилтийн хариу өөрчлөгдөх эрсдэлтэй байдаг. Иймээс иргэд та бүхэн мэргэжлийн байгууллагаас хийж буй шинжилгээний дүнд итгэлтэй байж болно гэж Ашигт малтмал, газрын тосны газар мэдээллээ.