Амаржсан эхийн зээлийг түр хойшлуулах тухай нийтийн өргөдөл иргэн О.Энхболор санаачилжээ. Өргөдлийг 8 дугаар сарын 22-ноос цуглуулж эхэлсэн бөгөөд 9 дүгээр сарын 21-нд дуусна.

Хүүхдээ төрүүлэн гэртээ байгаа ээжүүдийн банк болон банк бус санхүүгийн байгууллагын зээлийн төлөлтийг хүүхэд нь 3 нас хүртэл хойшлуулах, эсхүл хүү төлөх нөхцөлөөр хугацааг сунгах талаар өргөдөлд тусгасан байна.

Нийтийн өргөдлийг санаачилсан иргэний гарын үсгийг parliament.mn сайтаар авах бөгөөд санал 100 мянга хүрсэн тохиолдолд холбогдох Байнгын хороогоор хэлэлцэнэ.