Улаанбаатар хот дахь төр, хувийн өмчийн цэцэрлэгийн зориулалттай зарим барилгыг өнөө жил бага сургууль болгон ашиглаж эхэллээ. Тухайлбал: Утга зохиол, урлагийн дээд сургуулийн байрыг бага сургууль болгон тохижуулж, 48 дугаар сургуулийн 1 дүгээр ангийн сурагчдыг оруулав. 4 дүгээр сургуулийн харьяа хотхоны бага сургуульд Сүхбаатар дүүргийн 9, 11 дүгээр хорооны 1 дүгээр ангийн 190 хүүхэд, 16 дугаар сургуулийн харьяа хотхоны бага сургуульд “Хангай” хотхон орчмын 1, 2 дугаар ангийн 350 хүүхэд явж байна.

Ийм аргаар олон хотхонд бага сургууль байгуулахаар Боловсролын сайд шийдсэн юм. Үүний дагуу байгуулсан хотхоны бага сургуулийн 1-2 дугаар ангид 9000 гаруй сурагч сурч байна.

Хотхонуудад шинээр нээж буй бага сургуулиудыг нийслэлийн хөрөнгөөр тоног төхөөрөмж, ухаалаг самбар суурилуулж, сандал, ширээтэй болгожээ. Хотхоны бага сургуулиуд:

• Хан-Уул дүүрэгт 52, 32, 130, 186, 18, 163 дугаар сургуулийн харьяа хотхоны бага сургууль,
• Баянзүрх дүүрэгт 69, 133, 14, 48, 44 дүгээр сургуулийн харьяа хотхоны бага сургууль,
• Баянгол дүүрэгт “Оюуны ундраа”, “Эрдмийн өргөө”, 73 дугаар сургуулийн харьяа хотхоны бага сургууль,
• Сүхбаатар дүүрэгт 4, 16, “Эрдмийн хөтөч” сургуулийн харьяа хотхоны бага сургууль,
• Сонгинохайрхан дүүрэгт 154, 12, “Хөгжил” сургуулийн харьяа хотхоны бага сургууль