Испанийн Каталон мужийн Барселона хотод салан тусгаарлагчдын хоёр өөр бүлэг жагсаал зохион байгуулж, цагдаа нар мөргөлдөөнөөс сэргийлэхийн тулд зүүн жигүүрийн жагсагчдыг бороохой ашиглан тараажээ.

Зүүн жигүүрийн салан тусгаарлагч Arran бүлэг, үйлдвэрчний эвлэлийн гишүүд болон фашизмын эсрэг идэвхтнүүд Каталоны тусгаар тогтнолыг дэмжигч хэт барууны Aliança Catalana намын жагсаалыг эсэргүүцэн цугласан байна. Цагдаа нар зарим жагсагчийг газар унагаж, баривчлан саатуулжээ.

Хоёр тал Каталоны тусгаар тогтнолыг дэмждэг ч цагаачлал, үндэсний онцлог зэрэг асуудлаар эрс зөрүүтэй байр суурьтай байна.

Цагдаагийн мэдээлснээр гурван хүнийг баривчилж, долоон хүнийг олон нийтийн хэв журам зөрчсөн хэрэгт шалгаж эхэлжээ. Мөн мөргөлдөөний үеэр 13 цагдаа хөнгөн гэмтэл авсан байна.

Aliança Catalana-гийн дэмжигчид цагаачлалын хяналтыг чангатгах шаардлагатай гэж үзэж байгаа бол үйлдвэрчний эвлэлийн удирдагчид тус намыг чинээлэг цөөнхийн эрх ашгийг хамгаалдаг хэмээн шүүмжилжээ.