Хөвсгөл аймгийн Цагдаагийн газарт залилангийн хэргээр шалгуулж байхдаа гадаад руу оргон зайлсан сэжигтнийг Казахстан улсаас илрүүлэн баривчилжээ. Түүнийг Инперпол тус улсаас илрүүлэн баривчилж, манай улсад хүлээлгэн өгөв.

ЦЕГ-ын Интерполын үндэсний төв товчоо, Мөрдөн шалгах алба, Хөвсгөл аймгийн Цагдаагийн газар хамтран, тухайн этгээдийг Монгол Улсад шилжүүлэн авчирч, үргэлжлүүлэн шалгаж байна. Тэр Эрүүгийн хуулийн 17.3-т заасан “Бодит байдлыг нуух замаар бусдыг төөрөгдүүлж, их хэмжээний хохирол учруулсан” хэрэгт сэжиглэгдэн шалгуулж байхдаа оргосон ажээ.