Мексикийн Морелос мужид амиа алдсан Испани оюутан 21 настай Клаудиа Такоронте-г үеийнхэн нь даваа гарагт хүндэтгэн дурсжээ. Оюутнууд лаа асааж, цэцэг өргөсөн бөгөөд орон нутгийн эрх баригчид түүний үхлийг эмэгтэй хүнийг хүйсээр нь үзэн ядаж үйлдсэн аллага буюу фемицид гэж шалгаж байна.

Такоронте нь Испанийн Гранадагийн их сургуулийн оюутан бөгөөд солилцооны хөтөлбөрөөр Морелос мужид ирээд сар хүрэхгүй хугацааны дараа амиа алдсан байна. Түүнийг суралцаж байсан Боловсролын шинжлэх ухааны факультетийн гадаа дурсгалын арга хэмжээ зохион байгуулжээ.

Испанийн Мексик дэх консулын төлөөлөгчид Морелос мужийн захирагч Маргарита Гонсалестай уулзаж, мужийн захиргаа мөрдөн шалгах ажиллагаанд хамтран ажиллахаа илэрхийлсэн байна.

Такоронте нь 2026 онд Морелосын Автономит их сургуулийн оюутнуудын дунд бүртгэгдсэн дөрөв дэх фемицидын хохирогч болжээ. Албан ёсны мэдээллээр Морелос мужид энэ оны нэгдүгээр сараас долдугаар сарын хооронд 21 фемицид бүртгэгдсэн бол Мексик даяар 380 тохиолдол бүртгэгджээ.