Аргентины Хөлбөмбөгийн холбооны ерөнхийлөгч Клаудио Тапиа тус улсын шигшээ багаас зодог тайлсан Лионель Мессиг 10 дугаар сарын 6-нд болох нөхөрсөг тоглолтод оролцож, шигшээ багаасаа үдэх ёслол хийхээр урьсан гэж мягмар гарагт мэдэгджээ.

Аргентины шигшээ баг 10 дугаар сарын 6-нд Буэнос-Айрес хотын “Монументал” цэнгэлдэх хүрээлэнд Бениний шигшээ багтай тоглох бөгөөд уг тоглолтод Мессиг оролцуулахыг хүссэн байна. Месси өнгөрсөн сард шигшээ багаас зодог тайлж буйгаа зарласан юм.

Аргентин мөн 9 дүгээр сарын 30-нд Кордова хотод Боливийн шигшээ багтай, 10 дугаар сарын 3-нд Буэнос-Айрес хотод Буркина-Фасотой тоглоно. Боливийн эсрэг тоглолтыг ДАШТ-ий үеэр гарсан зөрчилтэй холбоотой ФИФА-гийн шийтгэлийн дагуу цэнгэлдэхийн 50 хувийн багтаамжтай зохион байгуулна.

Мөн ДАШТ-ий шигшээ тоглолтын үеэр Испанийн багийн тоглогчидтой маргалдсан хэргээр Леандро Паредес 10, Науэль Молина долоо, Тьяго Алмада нэг тоглолт өнжих шийтгэл хүлээжээ.