Архангай аймгийн Цэцэрлэг сумын малчин айлын ойролцоо баавгай иржээ. Уг мэдээллийн дагуу тус аймгийн Байгаль орчны газрын ажилтнууд Цэцэрлэг суманд очиж ажиллалаа.
Газар дээр нь очиход эхээсээ төөрч, тал руу орж ирсэн бамбаруушийг Эрдэнэмандал, Цэцэрлэг сумын байгаль хамгаалагч нар идэш тэжээлээр хангаж, хамгаалалтандаа авсан байв. Бамбаруушийг суурьшлын бүсээс гаргаж, анх гарч ирсэн ойд нь буцаан тавилаа.