Украины Ерөнхийлөгч Владимир Зеленский АНУ-ын Ерөнхийлөгч Доналд Трамптай Нью-Йорк хотод НҮБ-ын Ерөнхий ассамблейн чуулганы үеэр уулзаж, Орос, Украины дайныг зогсоох дипломат хүчин чармайлт болон эрчим хүчний байгууламжид хийх цохилтыг зогсоох боломжийн талаар хэлэлцжээ. Уулзалт 40 минут үргэлжилсэн байна.

Зеленский уулзалтын дараа Украины тал ОХУ-тай эрчим хүчний байгууламжид харилцан цохилт өгөхгүй байх аливаа хэлбэрийн тохиролцоог дэмжихэд бэлэн гэдгээ мэдэгдсэн байна. Гэхдээ Украины нефть боловсруулах үйлдвэрүүдэд дангаараа цохилт өгөхөө зогсоох талаар Трамптай ярилцаагүй гэж тэр тодруулжээ.

Трамп мөн Украины дайныг дипломат аргаар шийдвэрлэх боломжтой гэж мэдэгдэж, Украин болон Оросын аль аль нь дайныг дуусгахыг хүсэж байгаа гэж үзэж байгаагаа хэлсэн байна. Зеленский цаашид Трампын оролцоотойгоор ОХУ-ын Ерөнхийлөгч Владимир Путинтэй гурван талт уулзалт хийхэд бэлэн гэдгээ дахин илэрхийлжээ.