Ираны Ерөнхийлөгч Масуд Пезешкиан НҮБ-ын Ерөнхий Ассамблейн 81 дүгээр чуулганд үг хэлэхдээ Тегеран АНУ-ын дарамтад бууж өгөхгүй ч мөргөлдөөнийг зогсоохын тулд дипломат арга замаар хэлэлцээ хийхэд бэлэн гэдгээ мэдэгдэв.
Тэрбээр АНУ-ын Ерөнхийлөгч Доналд Трампын өмнөх өдрийн НҮБ-ын чуулганд хэлсэн үгийг “дээрэлхэх сэтгэлгээний илрэл” хэмээн тодорхойлж, хүч хэрэглэх хэллэгийг Иран хүлээн зөвшөөрөхгүй гэж мэдэгджээ. Трамп хэрэв тохиролцоонд хүрэхгүй бол Ираныг “устгаж магадгүй” гэж анхааруулсан байна.
Пезешкиан мөн Иран цөмийн зэвсэг эзэмшихийг зорихгүй ч энхийн зорилгоор цөмийн технологи ашиглах эрхээсээ татгалзахгүй гэж мэдэгдэв. НҮБ-ын Ерөнхий Ассамблейд түүнийг үг хэлж эхлэхэд АНУ-ын төлөөлөгчид танхимаас гарсан байна.
Ройтерс агентлагийн мэдээлснээр, АНУ, Ираны талууд хэдэн сарын дараа анх удаа зуучлагчдаар дамжуулан хэлэлцээ хийсэн боловч хоёр талын байр суурь мэдэгдэхүйц зөрүүтэй хэвээр байна.