Грийнландын Ерөнхий сайд Йенс-Фредерик Нилсен, Гадаад хэргийн сайд Муте Эгеде нар АНУ, Данитай аюулгүй байдлын хэлэлцээр байгуулсны дараа есдүгээр сарын 23-нд Нуук хотод буцаж ирэхэд нь олон хүн Грийнландын далбаа барин угтжээ. Есдүгээр сарын 22-нд байгуулсан хэлэлцээрээр Грийнландад АНУ-ын цэргийн оролцоог өргөжүүлэх боломж бүрдэж, Грийнланд, Дани, АНУ-ын аюулгүй байдлын хамтын ажиллагааг албан ёсоор бэхжүүлсэн байна. Мөн хэлэлцээрт Грийнландын өөртөө засан шийдэх эрхийг дахин баталгаажуулжээ.
Энэ нь АНУ-ын Ерөнхийлөгч Доналд Трампын Грийнландыг АНУ-д нэгтгэх тухай өмнөх байр сууриас харьцангуй өөр бөгөөд Грийнландын тусгаар тогтнолын асуудлыг хөндөөгүй байна.
Нилсен хэлэлцээр нь сүүлийн хоёр жил үргэлжилсэн тодорхойгүй байдлын дараа Грийнландын иргэдэд илүү аюулгүй байдлыг мэдрүүлэхэд тусална гэж хэлжээ. Тэрбээр мөн АНУ Грийнландын нутаг дэвсгэр, олон улсын эрх зүй болон ард иргэдийнх нь өөртөө засах эрхийг хүндэтгэхийг хэлэлцээрээр баталгаажуулсан гэж мэдэгдсэн байна.