“Айчи Нагояа 2026” Азийн зуны ХХ наадамд оролцож буй Монголын баг, тамирчдын амжилт өнөөдрийн байдлаар:

• Дугуйн спортын төрөлд Монгол Улсаа төлөөлөн өрсөлдсөн “Ханжоу–2022” Азийн наадмын хүрэл медальт, “Алдар” спорт хорооны тамирчин, ОУХМ С.Жамбалжамц хүрэл медаль хүртэж, Монголын багийн анхны медалийг авчирлаа.
• Дугуйн спортын эмэгтэйчүүдийн бөөн гарааны төрөлд нийт 40 тамирчин өрсөлдөж Монгол Улсаа төлөөлөн уралдсан ОУХМ Ц.Солонго 33, спортын мастер Г.Энхжин 17 дугаар байр эзэлж, уралдаанаа амжилттай дуусгалаа.
• Эмэгтэйчүүдийн 100 метрийн чөлөөт сэлэлтэд ОУХМ Б.Энххүслэн 58.41 секундын амжилтаар 19 дүгээр байр, СМ Б.Оргилмаа 1:03.35 амжилтаар 33 дугаар байрт орлоо.
• Эмэгтэйчүүдийн 200 метрийн араар даллах сэлэлтийн төрөлд СМ Э.Анима 2:36.78, ОУХМ Э.Ариунтамир 2:20.58 амжилт үзүүллээ.

Энэ төрөлд ОУХМ Э.Ариунтамир 2:20.58 секундын амжилтаар Монгол Улсын рекордыг шинэчлэн тогтоолоо.

• Азийн наадмын хөтөлбөрт гурав дахь удаагаа багтаж буй урт бууны холимог төрөлд тамирчин бүр 30 сум буудаж, урьдчилсан шатанд өрсөлдсөнөөс Монголын баг нийлбэр 624.4 оноогоор 11 дүгээр байр эзэллээ.
• 10 метрийн хийн урт бууны эрэгтэйчүүдийн төрөлд ОУХМ Н.Баяраа 4 дүгээр байр эзэллээ.
• Тэрбээр БНХАУ-ын тамирчин Ма Сиханьтай гурван удаа халз буудалт хийж, ялалт байгуулсан. Энэ нь Азийн наадмын түүхэнд гурван удаа дараалан халз буудалт буюу shoot-off хийсэн анхны тохиолдол боллоо.
• Дугуйн спортын засмал замын эмэгтэйчүүдийн ганцаарчилсан цуваа уралдаанд спортын мастер Г.Энхжин 40:11.18 минутын амжилтаар 9 дүгээр байрт шалгарлаа.