АН-ын 4/11 мэдээллийн цагаар өнөөдөр УИХ-ын гишүүн Л.Мөнхбаясгалан “Засгийн газрыг огцруулах асуудлыг би маргааш АН-ын бүлгийн хурлаар оруулна. Засгийн газрыг огцруулахаар О.Цогтгэрэл даргын бланкан дээр гарын үсэг зуруулж байгаа. Би тэр бланкийг “амь оруулахыг” хүсэж байна” гэж ярилаа.
-МАН-ын 250 гишүүн Японд сургалтад сууж байгаа гэнэ. Үүний өмнө АН-ын гишүүд бас Хятад руу явсан. Нам ер нь мөнгөтэй байгууллага уу?
АН-ын ерөнхий нарийн бичгийн дарга Г.Лхагвадорж:
-АН-аас Хятад руу томилолтоор явсан хүмүүсээс 2 хүний зардлыг АН-аас гаргасан. Бусад нь бүгд зардлаа хувиасаа гаргасан.
УИХ-ын гишүүн Л.Мөнхбаясгалан:
-Надаас “Хятад руу явах уу?” гэж асуусан. Онгоцны тийз, зочид буудлын төлбөрөө өөрөө гаргахаар байсан. Надад тийм их мөнгө байхгүй учраас би арай хямдаар нь Баян-Өлгий явсан.
УИХ-ын гишүүн Л.Мөнхбаясгалан ХХААХҮ-ийн салбарт олгосон Төрийн дэмжлэгийн хэрэгжилт үр дүнгээр гаргасан шинжээчийн дүгнэлтийг танилцууллаа.
Зөвхөн урамшууллын дүнгээс ихээхэн хэмжээний мөнгөн дүнгийн зөрүү гарчээ.
Зөрүү:
- Улаанбуудай 21 тэрбум
- Ноолуур -зөрүүгүй /материалаа ирүүлээгүй/
- Арьс шир -17 тэрбум
- Түүхий сүү -8.4 тэрбум
- Хүнс -0.2 тэрбум
- Тэмээний ноос -249.2
- Мах -536 тэрбум