Ираны нийслэл Тегеран хотын Имам Хуссейн талбайд ням гарагт эмэгтэйчүүдэд галт зэвсэг ашиглах сургалт явуулжээ. Энэ нь АНУ, Израилтай холбоотой хурцадмал байдал үргэлжилж буй үед энгийн иргэдийг болзошгүй хуурай замын халдлагад бэлтгэх зорилготой сургалтын хүрээнд болсон байна.

Иран улс бямба гарагт Хафт-е Тир талбайд иргэдийг сургах шинэ төв нээсэн бөгөөд энэ нь Имам Хуссейн талбайд өмнө нь байгуулсан сургалтын төвийн үргэлжлэл аж. Бичлэгт эмэгтэйчүүд цэргийн алба хаагч, сургагч багш нарын зааврыг сонсож, гар буу зэрэг галт зэвсгээр дадлага хийж буй нь харагджээ.

Сургалтад оролцсон 45 настай Рахелех Гадири дайны үед гэр бүл, хөршүүдээ хэрхэн хамгаалахаа мэддэг болох нь айдсыг нь багасгана гэж ярьсан байна.

АНУ, Израилийн хоёрдугаар сарын 28-нд эхлүүлсэн довтолгооны дараа долоон сар үргэлжилсэн мөргөлдөөн өрнөсөн бөгөөд дөрөвдүгээр сарын 8-нд байгуулсан гал зогсоох хэлэлцээрээр 40 хоногийн дайн түр намжсан ч үе үеийн тулаан үргэлжилсэн байна. Иран улс АНУ томоохон хэмжээний цохилтоо сэргээвэл өмнөхөөс илүү өргөн хүрээтэй, хүчтэй хариу арга хэмжээ авахад бэлтгэж байгаа талаар эх сурвалжууд мэдээлжээ.