АНУ-ын Ерөнхийлөгч Доналд Трамп Орос, Украин хоёр эрчим хүчний байгууламжид халдахгүй байх тохиролцоонд нэн даруй хүрсэн гэж ням гарагт мэдэгдсэн ч Украины Ерөнхийлөгч Зеленский ийм хэлэлцээрийн талаар мэдээгүй гэдгээ илэрхийлжээ. Трамп “Truth Social” платформд “Нэн даруй хэрэгжинэ. Хоёр тал тохиролцсон” хэмээн бичсэн байна.
Харин Зеленский АНУ-ын “Axios” хэвлэлд өгсөн ярилцлагадаа Трампын мэдэгдэл өөрт нь шинэ мэдээлэл байсныг хэлээд, “Оросын тал эрчим хүчний салбарт гал зогсоохыг зөвшөөрвөл Украин мөн зөвшөөрнө” гэжээ.
Трамп бямба гарагт “Орос улс Украины дайныг дуусгах хэлэлцээр байгуулах хүсэлтэй байгаа ч Зеленский тохиролцоонд хүрэхээс татгалзаж байна” хэмээн буруутгасан байна. Мөн Украиныг сонгууль явуулж, Москватай хэлэлцээр байгуулах шинэ удирдагч сонгохыг уриалжээ.
Түүнчлэн Трамп баасан гарагт ОХУ-ын Ерөнхийлөгч Владимир Путинтэй Оросоос АНУ болон Дэлхийн зах зээлд дизель түлш нийлүүлэх тохиролцоонд хүрсэн гэж мэдэгдсэн байна. Харин Кремль “ОХУ-ын парламентын сонгуулийн үеэр Украины дронууд халдлага үйлдсэн нь энхийн хэлэлцээг ойрын хугацаанд сэргээх боломжийг үндсэндээ тасалдуулсан” гэж мэдэгджээ.