Персийн булангаас газрын тос, байгалийн хий тээвэрлэх стратегийн чухал гарц болох Ормузын хоолойд танкерууд халдлагад өртсөний дараа хөлөг онгоцны хөдөлгөөн эрс саарсан байна. Усан тээврийн Kpler компанийн мэдээллээр бямба гарагт таван ачааны хөлөг хоолойгоор нэвтэрсэн бол ням гарагт нэвтэрсэн хөлөг бүртгэгдээгүй байна. АНУ, Ираны хэлэлцээ зогсонги байдалд орсон нь бүс нутгийн тээвэр, эрчим хүчний нийлүүлэлтийн эрсдэлийг нэмэгдүүлжээ.