Архангай аймгийн Тариат сумын Цагааннуур багийн Ноогт нуурын мөс цөмөрч, суудлын автомашин живсэн байна. Уг нуур аймгийн төвөөс баруун хойд зүгт 210 км, сумын төвөөс баруун хойд зүгт 50 км зайтай оршдог.
Уг осолд хүн өртөөгүй. Машинд байсан хүн эсэн мэнд гарч, 10-р сарын 20-ны өдрийн 07:50 цагт тус аймгийн Онцгой байдлын газарт дуудлага өгчээ. Тариат сум дахь Эрэн хайх, аврах бүлэг тус дуудлагаар очиж Ноогт нуураас иргэн Н-ийн эзэмшлийн “Приус” загварын машиныг татан гаргаж, иргэн Э-д хүлээлгэн өгөв.