Өвөрхангай аймгийн Хархорин сумын Ганган-Орхон багт өнөө өглөө уурын зуухны байр шатаж, галч нь түлэгджээ. Энэ тухай дуудлага 2026.10.26-ны 05:29 цагт тус аймгийн Онцгой байдлын газрын 45 дугаар анги хүлээн авч, очин, уг галыг унтраасан байна. Иргэн М-ийн 10х18 метрийн хэмжээтэй уурын зуухны байр шатаж, уг галд галч Ө гэх 48 настай, эрэгтэйн 2 гар, нүүр хөнгөн түлэгджээ. Түүнийг эмнэлэгт хүргэж, тусламж үзүүлсэн байна.