Ерөнхийлөгч У.Хүрэлсүх ХБНГУ, Финланд, Беларусь улсад төрийн айлчлал хийгээд эх орондоо ирлээ. ЕТГ-аас өнөөдөр Ерөнхийлөгч У.Хүрэлсүхтэй холбоотойгоор нийслэлийн дарга асан Х.Нямбаатарын хийсэн мэдээлэлд хариу өгөх юм байна. Х.Нямбаатар “Надаар “МАН-ын дараагийн даргад нэр дэвшихгүй” гэсэн өргөдөл бичүүлж авсан нь шургуулганд нь байгаа”, “Эд хөрөнгүүдээ УИХ-ын гишүүн Т.Мөнхсайханы нэр дээр шилжүүлсэн”, “У.Хүрэлсүх Ерөнхийлөгчөөс буугаад Ерөнхий сайд, МАН-ын даргын албыг хашиж, 2028, 2032 оны сонгуулийг удирдана” гэх мэт зүйл мэдээлэл олон нийтэд цацаад байна.