Финландын Ерөнхийлөгч Александр Стубб, Норвегийн Ерөнхий сайд Йонас Гар Стере нар аравдугаар сарын 27-нд ОХУ-ын Ерөнхийлөгч Владимир Путинтэй утсаар ярьж, Украины дайныг зогсоох дипломат гарцыг хэлэлцжээ. Уг яриа 90 орчим минут үргэлжилсэн бөгөөд талууд санал зөрөлдөөн их хэвээр байгааг хүлээн зөвшөөрсөн байна.
Украины тал уг яриаг Киевтэй уялдуулан зохион байгуулсныг баталж, хэлэлцээний шинэ боломжийг дэмжжээ. Германы Канцлер Фридрих Мерц мөн АНУ, Орос хоёр Украин болон Европын оролцоогүйгээр дайныг эцэслэх шийдэлд хүрч чадахгүй гэж мэдэгдсэн байна.
Орос, Украин, АНУ-ын төлөөлөгчдийн гурван талт уулзалтыг арваннэгдүгээр сарын эхээр Абу-Дабид зохион байгуулах боломж яригдаж байгаа ч уулзалт товлогдсон эсэх, бодит үр дүн гарах эсэх нь тодорхойгүй байна.