Нийслэлийн хүн амын 2027 оны хаврын хүнсний хэрэгцээнд зориулан өнөө жил 15-20 мянган тонн мах нөөцлөхөөр Засгийн газар төлөвлөсөн. Одоогоор 25 аж ахуйн нэгж нийт 12.8 мянган тонн мах бэлтгэх хүсэлтээ ХХААХҮЯ-нд ирүүлээд байгааг Ц.Идэрбат сайд өнөөдөр сэтгүүлчдэд мэдээллээ.  

Нөөцийн мах бэлтгэх, хадгалах, түгээх, борлуулах үйл ажиллагааг нэгдсэн цахим системээр бүртгэж, олон нийтэд ил тод мэдээлдэг болох гэж буй аж. Бэлтгэн нийлүүлэгчдийн мах худалдан авах цэгийн байршлыг dashboard.gov.mn системийн “Махны нөөц” хэсэг болон “E-Barimt” аппликэйшнээр дамжуулан, олон нийтэд мэдээлж эхэлжээ.