Улаанбаатар хотын нийтийн тээврийн үйлчилгээнд өнөөдөр 1182 автобус явж байна. Үүн дээр нэмээд өнөөдрөөс 20 шинэ автобус үйлчилгээнд гаргалаа.

Нийтийн тээврийн парк шинэчлэлийн хүрээнд БНХАУ-ын “Yutong Bus” компаниас урт, угсраа загвартай 30 автобус авахаар болсон юм. Үүний 20-ыг нь өнгөрсөн амралтын өдөр Улаанбаатарт авчирч, өнөөдрөөс нийтийн тээврийн шугаманд явуулж эхэллээ.

Эдгээр автобусыг М:1 Таваншар-Офицеруудын ордон чиглэлд үйлчилгээнд гаргажээ. Үлдсэн 10 автобусыг удахгүй татаж авна. Шинэ автобуснуудыг М:1 Таваншар-Офицеруудын ордон, М:2 Зунжин худалдааны төв-МУБИС-Сүхбаатарын талбай, М:3 Архивын ерөнхий газар-120 Мянгат-Сүхбаатарын талбай чиглэлд 10, 10-аар нь явуулахаар төлөвлөжээ.