УБТЗ-ын Төв эмнэлэг эхээс урагт дамжих халдварын эрсдэлийг тодорхойлох орчин үеийн дэвшилтэт тоног төхөөрөмжийг оношилгоонд ашиглаж эхэллээ. Энэ аппарат ураг өсөлтгүй болох, ураг амьгүй болох, зулбах, сонсгол муудах, харааны гажиг үүсэх, саажилттай болох зэрэг эхээс урагт дамжин, хүндрэл үүсгэдэг олон төрлийн вирусийг тодорхойлно. Мөн идээт үрэвслийн 200-гаад төрлийн эмгэг төрөгч бактериас антибиотик мэдрэгчийг тодорхойлж байна.