<p><em>Монголын Волейболын холбооны 2024-2025 оны Үндэсний дээд лиг арваннэгдүгээр сарын 1-нд хөшгөө нээнэ. Энэ жилийн лигт эмэгтэй 9, эрэгтэй 7 баг аваргын төлөө өрсөлдөх гэж байна. Дээд лиг эхлэхэд хэдхэн хоног үлдээд байгаа энэ өдрүүдэд багуудын бүрэлдэхүүн болон эргэн тойрны мэдээллийг хүргэхээр бэлдлээ.</em></p> <p>Үндэсний дээд лигт шинээр “Төв миг” волейболын клуб анх удаа оролцох юм. Ингэхдээ шилдэг тамирчдаар багаа бүрдүүлж, ширүүн өрсөлдөнө гэдгээ харуулж байна. Тэд лигийн хошой аварга, ОУХМ М.Цэрэнбаатар, түүний алтан хамтрагч, спортын мастер Б.Наранбаяр, Төв Азийн аварга шалгаруулах тэмцээний шилдэг Довтлогч, “Дээд Лиг”-ийн аварга, үнэ цэнтэй тоглогч Гантулгын Цэнд-Аюуш, спортын мастер Замбативын Цэнд-Аюуш болон спортын мастер Б.Анхбаяр нарыг багийн бүрэлдэхүүндээ нэгтгээд байгаа юм. Мөн легионер тамирчнаар өнгөрсөн жил “Баянхонгор Корунд Гео” багаас тоглож лигийн аварга болсон Даниел Моатазедиг авсан байна.</p> <figure class="wp-block-image size-full"><img decoding="async" src="https://api.time.mn/read-img?key=6719eb4db8d42-464008604_122175663608242752_783464774749743484_n.jpg" alt="" class="wp-image-65017" /></figure> <p>Ийн олон жилийн туршлагатай М.Цэрэнбаатар, шилдэг холбон тоглогч Б.Наранбаяр, Хоёр Цэнд-Аюуш, Б.Анхбаяр нарын шилдэг тамирчдын хослолыг “Төв Миг” багаас харах нь. &nbsp;</p> <figure class="wp-block-gallery has-nested-images columns-default is-cropped wp-block-gallery-1 is-layout-flex wp-block-gallery-is-layout-flex"> <figure class="wp-block-image size-large"><img decoding="async" data-id="65018" src="https://api.time.mn/read-img?key=6719eb6734674-453870727_122157075674242752_3966158583134192526_n.jpg" alt="" class="wp-image-65018" /></figure> <figure class="wp-block-image size-large"><img decoding="async" data-id="65019" src="https://api.time.mn/read-img?key=6719eb726a7e7-463813674_122174773814242752_7722383690645648202_n.jpg" alt="" class="wp-image-65019" /></figure> <figure class="wp-block-image size-large"><img decoding="async" data-id="65020" src="https://api.time.mn/read-img?key=6719ebf16ff40-91e048a3-103a-4524-899c-37d57f7f521f-1.jpg" alt="" class="wp-image-65020" /></figure> <figure class="wp-block-image size-large"><img decoding="async" data-id="65021" src="https://api.time.mn/read-img?key=6719ebf8df584-7389593a-02cd-499a-a759-ab314f4d76a8-1.jpg" alt="" class="wp-image-65021" /></figure> </figure> <p>Тэгвэл багийнхаа тулгаар, цөм болсон хоёр тамирчнаа явуулсан “Натур Мед” клуб энэ жилийн лигт “Натур бакс” хэмээх шинэ нэртэйгээр оролцохоор байна. Харин 2019 оны Дээд Лигийн аварга, 2022 оны мөнгөн медальт, 2023 оны хүрэл медальт “Хасу Мегастарс” баг энэ жил гадаад дасгалжуулагчаар хүч сэлбэжээ.</p> <p> Тус багийн шинэ дасгалжуулагч “Lee Sun Kyu” нь Солонгосын шигшээ багийн тамирчин байсан бөгөөд 2019 онд зодог тайлж дасгалжуулагчын кареераа эхлүүлж байжээ. Солонгосын V лигийн “Kepco vixtorm&#8221; багийн дасгалжуулагчаар ажиллаж байсан. Хасу Мегастарс баг түүний дасгалжуулах 2 дахь баг болж байна.</p> <figure class="wp-block-image size-full"><img decoding="async" src="https://api.time.mn/read-img?key=6719eabb48f70-464310146_519656334314611_5118595158188357856_n-1.jpg" alt="" class="wp-image-65015" /></figure>