Хэрэв та интернетгүй газар амьдраагүй л бол Blackpink хамтлагийн Rose болон Бруно Марс нарын хамтран гаргасан“APT” дууг сонсоогүй байх учиргүй. Тэгвэл Дэлхий нийтийг байлдан дагуулж буй уг дуу ямар утгатай болохыг мэдэх үү .
Уг дуу нь “Өмнөд Солонгосын уудаг” тоглоом гэнэ. Энэ талаар Rose “APT бол миний гэртээ найзуудтайгаа тоглодог хамгийн дуртай солонгос архины тоглоом. Маш энгийн бөгөөд хүн бүхний нүүрэнд инээмсэглэл тодруулдаг. Би нэг орой студид байхдаа багийнхандаа уг тоглоомыг хэрхэн тоглохыг зааж өгсөн. Хүн бүр маш их гайхаж, үүгээр дуу хийх хэрэгтэй гэсэн” хэмээн хэлсэн байна.
APT тоглоомын дүрэм юу вэ?
Тоглогчид бүгд гараа нийлүүлж, тоглоомыг эхлүүлж буй хүн дурын тоо хэлнэ. Үүний дараа тоглогчид нэг нэгээрээ гар, гараа ээлжлэн тавьсаар тухайн дурын тоо таарсан хүн уух ёстой аж.
Ердөө зургаахан хоногийн өмнө гарсан “APT” дуу өнөөдрийн байдлаар Youtube-д 117 сая 744 мянга үзэлттэй байна. Мөн Пүрэв гарагийн үдээс хойш Spotify-ын дэлхийн шилдэг 50 жагсаалтад тэргүүлж байгаа юм. Зөвхөн TikTok дээр “#apt” гэсэн хаштаг ашиглан 400,000 гаруй видео байршуулжээ.
Грэммигийн шагналт зураач Чарли Пут мөн уг дууны талаар TikTok дээр “Энэ дуу миний толгойд үүрд гацсан” гэжээ.