Уг үлэг гүрвэлийн олдвор Хонг Конгийн “Порт” арлаас олдсон байна. Судлаачид ясны олдворууд нь Юрийн галавын дараах 145 саяас 66 сая жилийн өмнөх Цэрдийн галавын үеийн “том настай үлэг гүрвэл”-ээс гаралтай болохыг тогтоожээ.
Хонг Конгийн Хөгжлийн нарийн бичгийн дарга Бернадетт Линн “Энэ нээлт нь маш чухал ач холбогдолтой бөгөөд Хонконгийн палеоэкологийн судалгаанд шинэ нотолгоо болж байна” хэмээн дурджээ.
Порт арал нь шинжлэх ухааны онцгой ач холбогдолтой газар гэж тооцогддог бөгөөд 1979 оноос хойш Хонконгийн ЮНЕСКО-гийн Глобал геопаркийн нэг хэсэг болсон байна.
Тус олдвор үлэг гүрвэлийн аль төрөл болохыг мэдэхийн тулд нэмэлт судалгаа хийх шаардлагатай гэжээ. Тиймээс Порт арлыг хэсэг хугацаанд хаах юм байна. Баасан гарагаас эхлэн үлэг гүрвэлийн олдворуудыг Хонг Конгийн өвийг илрүүлэх төвд олон нийтэд үзүүлэх аж.
Палеонтологийн мэргэжилтнүүдийн үзэж байгаагаар энэхүү гайхамшигт нээлт нь геологийн ээдрээтэй түүхтэй, цаг агаарын байдал байнга өөрчлөгддөг Хонг Конгийн хувьд томоохон нээлт гэдгийг онцолжээ.