Blackpink-ийн Розе дэлхийн шилдэг К-поп уран бүтээлчдийн нэг болох байр сууриа бататгалаа. Тэрээр Бруно Марстай хамтран гаргасан “APT” дуугаараа шилдэг гоцлол дуучин гэдгээ харуулан, Дэлхий дахинаа олон амжилтуудын эзэн болоод байна.

 “APT” дуу нь АНУ-д Apple Music-ийн бүх жанрын чартуудын дээд амжилтыг эвдээд зогсохгүй Spotify-ын өдөр тутмын шилдэг дуунуудыг дэлхий даяар болон АНУ-д тэргүүлж байна. Ингэснээр Розе АНУ-ын Spotify-ын чартыг тэргүүлсэн түүхэн дэх анхны эмэгтэй гоцлол дуучин боллоо.

Гэвч Розегийн энэ амжилт Солонгосын нэтизенчүүдэд гэнэтийн зүйл болжээ. Учир нь тэд дэлхий даяар илүү алдартай Женни, Лизаг дэлхийн хэмжээний хит дуу гаргана гэж бодсон хэмээжээ.

Розегийн “APT” дуу гарахаас өмнө Женни “Mantra” Лиза “New Woman” дуугаа гаргасан. Тус хоёр дуу хамгийн том стриминг болж рекорд тогтоосон ч Розегийн “APT” дэлхийн хэмжээний дуу болоод байна.

Энэ талаар Солонгосын нетизэнчүүд ингэж сэтгэгдлээ илэрхийлж байна.

–Instagram Reels болон YouTube Shorts-ыг гүйлгэх бүрт Розетой холбоотой контент дүүрэн байна. Зөвхөн ‘APT’ дууны видеонууд биш, түүний тухай видео байна. Яг одоо Розе Өмнөд Солонгосын алгоритмыг бүрэн эзэмшиж байна. Тэр шилдэг эмэгтэй гоцлол дуучин гэдгээ харууллаа.

– Женни, Лиза хоёр олон улсын зах зээлийг зорьж тэднийг дэмжиж байгаа нь тодорхой байсан боловч үнэхээр тэсрүүлсэн хүн Розэ байлаа. Тэр авъяаслаг, ухаалаг байдаг учраас түүнийг дэмжихэд хялбар байдаг.”

– “Rosé BLACKPINK хамтлагийн бүтэн эргэн ирэлт хийгээд ч эвдэхэд бэрх дээд амжилтыг тогтоосон бололтой. Тэр дэлхийн хэмжээнд болон АНУ-ын Spotify дээр гурван өдөр дараалан тэргүүлж байна.

– Үнэнийг хэлэхэд түүний бие даасан синглэ энэ удаад түүнийг шилдэг гоцлол дуучин гэдгийг харуулсан гэж би бодож байна. Түүний хоолойны ур чадвар, өвөрмөц өнгө, юу юунаас илүү хөгжимд дурлах хүсэл нь бусдаас ялгарлаа.

-“Rose одоо K-pop-ын шилдэг шүтээн болсон.”

“Би уран бүтээлч хүн дуулахдаа сайн байх нь чухал гэж боддог. Тэр BLACKPINK-ийн шилдэг дуучин.”

“Би Женни эсвэл Лиза хоёрыг дэлхийн хэмжээний дуу гаргах байх гэж бодсон ч тэр нь Роуз байсан нь үнэхээр гайхмаар юм.”

“Rose бол үнэхээр нуугдмал од юм.”