Азийн хөлбөмбөгийн холбооны 2024-2025 улирлын “Челленж лиг”-ийн тэмцээний И хэсгийн тоглолтууд эхлэхэд хоёр хоног үлдлээ. Энэ тэмцээнд МХБХ-ны 2022-2023 оны Үндэсний дээд лигийн аварга “Сэлэнгэпресс Фалконс” баг Монгол Улсаа төлөөлж өрсөлдөнө. Тус баг Индонез, Камбож улсын хөлбөмбөгийн багуудтай нэг хэсэгт багтсан юм.

Тэд эхний тоглолтоо аравдугаар сарын 27-ны Ням гарагт 15:00 цагаас Индонези улсын “Мадура Юнайтед” багтай хийх бол хоёр дахь тоглолтоо Лхагва гарагт Камбож улсын “Свай Рейнг” багтай хийнэ.

Харин Камбож болон Индонези улсын багууд арваннэгдүгээр сарын 02-ны өдөр учраа таарч тоглох юм.