Албани улсын Тирана хотод Дэлхийн бөхийн нэгдсэн холбооны ээлжит их хурал болж, “Удирдах зөвлөлийн Товчоо”-ны гишүүдийг сонголоо. Энэ үеэр Монголын чөлөөт бөхийн холбооны удирдах зөвлөлийн гишүүн, МҮОХ-ны удирдах зөвлөлийн гишүүн П.Буяндэлгэр “Удирдах зөвлөлийн Товчоо”-ны гишүүнээр (United World Wrestling Bureau member) сонгогдов.

Ингэснээр тэрээр Монголын спортын түүхэнд олимпын төрлийн Олон улсын спортын холбооны удирдах дээд зөвлөлд сонгогдсон анхны эмэгтэй зүтгэлтэн болж байна.

Гүйцэтгэх товчооны 7 суудлын төлөө АНУ, Болгар,Гүрж Казахстан, Катар, Кыргызстан, Монгол, Норвег, ОХУ,  Португал, Унгар, Франц, Швейцарь, Япон улсаас 15 хүн нэрээ дэвшүүлэн өрсөлджээ.

Уг хуралд Дэлхийн бөхийн нэгдсэн холбооны 121 орны төлөөлөгчид оролцож 100 хувийн саналаар П.Буяндэлгэрийг сонгожээ. Тэрбээр өдгөө Азийн Бөхийн Холбооны Ерөнхий нарийн бичгийн даргын сонгуульт албыг хашдаг.