2021 онд Netflix-ээр цацагдаж, дэлхийг шуугиулж байсан “Squid Game” телевизийн олон ангит киноны хоёрдугаар бүлэг ирэх арванхоёрдугаар сард гарахаар болоод байгаа.

Тэгвэл маргааш “Squid Game”-ийн хоёрдугаар бүлгийн шинэ тизер цацагдахаар болсон байна. Баасан гаригт цацагдах шинэ тизерт хоёрдугаар бүлэгт үзэгчдийг юу хүлээж байгааг харуулах ажээ.

Цувралын хоёрдугаар бүлэгт болсон бүх зүйлийг мартаад, Америк явах гэж байсан гол дүр Ги-хун буцаж тоглоомонд эргэн ирж, оролцож байгаа үйл явдал гарах юм.

Мөн эхний бүлэгт тоглосон жүжигчид болох И Жүн Жэ, И Бён Хун, Гон Ю, Ви Ха Жун нар эргэн ирэх бол шинээр Кан Ханиль, Пак Сун Хун, Им Шиван, Ян Дон Гун, Пак Гю Ён, И Жин Вук, Вон Жиан, Жо Юри, Кан Эшим, Ли Дэвид, Но Жэвон, мөн Өмнөд Солонгосын алдарт BigBang хамтлагийн гишүүн асан T.O.P “Squid Game” цувралын хоёрдугаар бүлэгт дүр бүтээнэ гэсэн мэдээлэл цацагдаад байгаа.  

Netflix-ийн зүгээс “Squid Game”-ийн хоёрдугаар бүлгийг ирэх арванхоёрдугаар сарын 26-нд нээж, олны хүртээл болгохоор болсон бол уг цувралын сүүлчийн буюу гуравдугаар бүлгийг 2025 онд гаргана хэмээн мэдэгдээд байгаа билээ.