<p>Сэлбэ гол дагуух үерийн хамгаалалтын далан барих ажил энэ оны зургаадугаар сард эхлээд буй. Үерийн далангийн бүтээн байгуулалтын төсөв 20.5 тэрбум төгрөг бол зүүн даланг барих ажил бараг дуусжээ.</p> <p>Энэ талаар&nbsp;Нийслэлийн Хөрөнгө Оруулалтын Газрын ерөнхий инженер&nbsp;&#8220;S&#8217;Outlet дэлгүүрийн буурин дээр барьж байгаа үерийн хамгаалалтын далангийн байгууламжийг бүрэн барьж дуусаагүй.</p> <p>Сэлбэ голын үерийн хамгаалалтын далангийн байгууламжийн нэгдүгээр хэсэг болох &#8220;Натур&#8221; худалдааны төвийн урд байрлах түр төмөр гүүрнээс S&#8217;Outlet дэлгүүрийн буурь&nbsp;буюу Нарны зам хүртэл үргэлжлэх 1.4км, хоёр талдаа 700метрийн урттай байгууламжийг барьж байгаа юм.</p> <p>1.4км урттай үерийн хамгаалалтын байгууламжийн зүүн талын хэсгийн газар шорооны ажил бүрэн хийгдэж, даланг суурилуулах&nbsp;ажил 90%-д хүрснээр нөхөн сэргээлтийн ажил хийгдэж байна.</p> <p>Харин Шангри Ла талын буюу баруун далангийн газар шорооны ажил&nbsp;70%, үерийн далангийн угсралт 50%-д хүрсэн,&nbsp;хүйтэрч технологийн горим алдагдах тул дүүргэлтийн ажлуудыг&nbsp;хийгээд зогсооно. Нийслэлийн ирэх оны төсөвт&nbsp;10.5 тэрбум төгрөгийг батлуулж, хавар үерийн далангийн байгууламжийг барьж дуусгах юм.</p> <blockquote class="wp-block-quote is-layout-flow wp-block-quote-is-layout-flow"> <p>Энэхүү байгууламжийг барих нийт төсөвт өртөг нь&nbsp;20.5 тэрбум төгрөг. Гүйцэтгэж байгаа гэрээний үнийн дүн 19.5 тэрбум төгрөг юм. Үүнээс 2023 оны төсөвт 9 тэрбум төгрөгт суусан байгаа. Харин 10.5 тэрбум төгрөгийг ирэх оны төсөвт суулгах шаардлагатай&#8221; гэж мэдээллээ.</p> </blockquote> <p>Сэлбэ сэргэлтийн ерөнхий төлөвлөгөөгөөр тус байршилд барьж байгаа үерийн далан дагуу авто зам тавих ч өөрчлөлт оруулж, зөвхөн тохижилт хийх тухай&nbsp;асуудал батлагдаагүй, яриа хэлэлцээний түвшинд байгаа аж.&nbsp;</p>