Ховд аймгийн нутгаар цасан шуурга шуурч байна. Үүний улмаас Манхан-Булган-Улсын хил чиглэлийн авто замын 200 дахь км-т буюу Бага-Улаан даваанд цасан шуургатай, үзэгдэх орчин хязгаарлагдмал болжээ. “Ховд АЗЗА” компанийн Шуурхай ажлын хэсэг уг замын зорчих хэсэг дээр тогтсон цасыг ачигчаар цэвэрлэж байна. Мөн
Хашаатын давааны Шуурхай ажлын хэсэг бэлэн байдалд ажиллаж байна. Одоогоор зам, даваа хаагдаагүй, тээврийн хэрэгслийн хөдөлгөөн хэвийн үргэлжилж байгаа аж.