Жүжигчин Меган Фокс сүйт залуу Келлитэйгээ анхныхаа хүүхдийг өлгийдөн авахаар болжээ. Фокс инстаграмдаа өөрийн зургаа нийтэлж “Үнэхээр юу ч хэзээ ч алга болдоггүй. Эргээд тавтай морил” хэмээсэн байна. Ингэж бичсэн нь тэрээр өмнөх үр зулбасан жирэмслэлтийнхээ талаар хөнджээ.

Фокс хуучин нөхөр Брайан Остин Гринээсээ 12 настай Ноа, 10 настай Бодхи, 8 настай Журни хэмээх гурван хүүхэдтэй.

Фокс 2020 онд Келлигийн клипэнд тоглосноор тэд романтик харилцаатай болж 2022 онд сүй тавьсан. Харин 2024 оны тавдугаар сард “Entertainment Tonight”-аас Фоксыг сүйгээ цуцалсан гэж мэдэгдсэн.

Гэхдээ тэд эвлэрч, эцэст нь анхныхаа хүүхдийг өлгийдөн авахад бэлэн болжээ. Эх сурвалж тэдний талаар “Тэд үргэлжлүүлэн эмчилгээнд явж, мэдрэмжийнхээ талаар бие биедээ ил тод хэлж, хамт байх эцсийн зорилгодоо хүчин чармайлт гаргаж байгаа. Мөн тэд шаардлагатай үед бие биеийнхээ орон зайг хүндэтгэдэг бөгөөд энэ нь тэдний хувьд чухал” гэжээ.