Ховд аймгийн Зэрэг сум Бураа багийн Эрэг гэдэг газарт өчигдөр 16:00 цагийн үед ачааны автомашин авто замын хажуу руу унаж, осолджээ. Уг машины бүхээг дотогшоо чихэгдэж, жолооч нь төмөр хийцэд хавчуулагдсан тул машинаасаа гарч чадаагүй аж. Хүмүүс түүнийг гаргаж авахаар оролдоод чадаагүй тул 16:15 цагт онцгой байдлын албанд ханджээ.
Тус аймгийн Онцгой байдлын газрын Зэрэг сум дахь Гал түймэр унтраах, аврах 70 дугаар ангийн албан хаагчдыг очиход, иргэн иргэн Э-ын “Scania” загварын ачааны автомашин замын хажуу руу унаж, жолооч Э автомашиныхаа төмөр хийцэд хавчуулагдсан байсан аж. Аврагчид түүнийг эсэн мэнд гаргаж авчээ.