ОХУ-ын Pro32 хэмээх програм хангамж болон мэдээллийн аюулгүй байдлын чиглэлээр үйл ажиллагаа явуулдаг технологийн компани 7 настай хүүд ажлын санал тавьсан байна.
Тэд Санкт-Петербург хотод амьдардаг Сергей хэмээх код бичигч 7 настай хүүд хуулийн дагуу ажилд орж, цалин авах боломжтой насан дээрээ очихоороо тус компанийн менежментийн багт орж ажиллахыг урьжээ. ОХУ-ын хуулиар бяцхан хүү 14 нас хүртлээ ямар нэгэн байдлаар цалинтай ажил эрхлэх боломжгүй юм байна.
Түүнчлэн хүүг ажилд орох насанд хүртэл хүүтэй ямар байдлаар хамтрах боломж, бололцоо байгаа талаар Серёжа хүүгийн эцэг эхтэй ярилцсан гэдгээ тус компанийн гүйцэтгэх захирал Игорь Мандик BBC агентлагт ярьсан байна.
Серёжа хүү 5 настайгаасаа эхлээд хэрхэн код бичиж, програм зохиох талаар тайлбарласан бичлэгүүдийг YouTube-д байршуулж, алдартай болсон бөгөөд түүний YouTube суваг 3500 гаруй дагагчтай ажээ. Тэрээр Python, Unity зэрэг програмчлалын хэл сурах сонирхолтой гэнэ.
Pro32 компанийн захирал Игорь Мандик яриандаа Серёжа хүүг програм хөгжүүлэх гайхалтай ур чадвартайгаас гадна мөн бусдад аливааг зааж, сургах гайхамшигтай авьяастай хэмээн магтаж, “миний хувьд тэр бол манай үеийн Моцарт, бид түүнийг 7 жил хүлээх хэрэгтэй болох нь” гэжээ.
Оросын технологийн компани 7 настай хүүд ажлын санал тавьжээ
ОХУ-ын Pro32 хэмээх програм хангамж болон мэдээллийн аюулгүй байдлын чиглэлээр үйл ажиллагаа явуулдаг технологийн компани 7 настай хүүд ажлын санал тавьсан байна.
Тэд Санкт-Петербург хотод амьдардаг Сергей хэмээх код бичигч 7 настай хүүд хуулийн дагуу ажилд орж, цалин авах боломжтой насан дээрээ очихоороо тус компанийн менежментийн багт орж ажиллахыг урьжээ. ОХУ-ын хуулиар бяцхан хүү 14 нас хүртлээ ямар нэгэн байдлаар цалинтай ажил эрхлэх боломжгүй юм байна.
Түүнчлэн хүүг ажилд орох насанд хүртэл хүүтэй ямар байдлаар хамтрах боломж, бололцоо байгаа талаар Серёжа хүүгийн эцэг эхтэй ярилцсан гэдгээ тус компанийн гүйцэтгэх захирал Игорь Мандик BBC агентлагт ярьсан байна.
Серёжа хүү 5 настайгаасаа эхлээд хэрхэн код бичиж, програм зохиох талаар тайлбарласан бичлэгүүдийг YouTube-д байршуулж, алдартай болсон бөгөөд түүний YouTube суваг 3500 гаруй дагагчтай ажээ. Тэрээр Python, Unity зэрэг програмчлалын хэл сурах сонирхолтой гэнэ.
Pro32 компанийн захирал Игорь Мандик яриандаа Серёжа хүүг програм хөгжүүлэх гайхалтай ур чадвартайгаас гадна мөн бусдад аливааг зааж, сургах гайхамшигтай авьяастай хэмээн магтаж, “миний хувьд тэр бол манай үеийн Моцарт, бид түүнийг 7 жил хүлээх хэрэгтэй болох нь” гэжээ.
Гоц авьяастай Серёжа хүүгийн Youtube сувгийг сонирхож үзэхийг хүсвэл холбоосыг дараарай.